貓啡

Open Now

Now Closed

我同老公都好鍾意玩貓，去咗呢間貓Cafe ，環境好舒適，座位分左幾區，有西式餐枱、打卡韆鞦位、仿草地、日式榻榻米，好適合情侶、朋友聚會、一家大小來玩。Cafe的貓咪大部份為收養流浪貓，佢哋亦會每月捐錢比慈善機構幫助更多流浪動物，仲會不定時開放領養貓貓🐱。我哋午市去叫左2 份Meowの套餐 包沙律or 小食炸薯角、主菜、飲品。🧡香煎日本刺身帶子黑松露扁意粉🧡兩隻帶子都好大粒好厚身，面層輕輕香煎過保留到刺身肉質好鮮甜嫩滑，黑松露味香濃，每條麵都掛滿汁。🧡大啡菇意式雜菜扁意粉🧡大啡菇菇味香濃，加入很多雜菜煮，意式茄汁酸酸地好開胃，扁意粉質地煮得剛剛好。💛生椰拿鐵💛呢個Coconut Latte好好飲呀，椰味香。💛阿里山烏龍茶💛呢度啲貓咪好親人大部份都可任摸，有啲仲會跳上你大腿瞓覺好過癮，玩貓真係好治愈令人心情愉悅，食物質素又好，同埋Cafe理念又有意義，好值得支持，一定會再來。