泰好記

Open Now

Now Closed

今日行過通菜街，又發現一間未食過嘅泰國菜，作為泰菜控，一定要入去試下啦🤩。🐂醉邁牛腩$168身邊有個牛腩🥘愛好者，去到邊都要食牛腩，為咗就佢就點咗呢個牛腩食，一上枱見到啲牛腩好大嚿，賣相並沒有太大期待，但係入口好驚喜🤩，每一舊都煮到好腍好入味，好似清湯炆牛腩咁。而底下仲有幾舊蘿蔔同生菜🥬，最欣賞啲蘿蔔炆到超腍又好夠味，仲帶少少辣辣地，食完好開胃，送飯一流。🐔泰式乾炒河$68炒河有豬🐷牛🐂雞🐔可以揀，我揀咗雞肉，略嫌雞肉炒得未夠入味，但係河粉就炒得好夠鑊氣，入口香滑煙靭。🥓燒豬頸肉$80豬頸肉燒到火候🔥剛剛好，入口外脆內嫩。🍧芒果沙冰$32超大杯嘅🥭芒果沙冰，芒果鮮甜。