鱈卵屋 (Closed)

向來都好鐘意食明太子，去到日式餐廳見到有明太子pizza、明太子意粉都必叫，明太子專門店又點可以唔去呢 落左單坐左陣無耐黎左2客茶碗蒸，原來係當時慶祝緊開店2週年送嘅。雖然係送，但都好高質，d蛋好嫩滑又帶有上湯嘅鮮味，我朋友本身唔鐘意食中式嘅蒸水蛋都清晒，食到底竟然仲有隻size唔細嘅蠔，好驚喜。明太子蛋卷 ($78)蛋卷都係我鐘意嘅item之一，所以明太子蛋卷係一定要叫~蛋好滑好鬆軟，入面有滿滿嘅明太子，好食。明太子鐵板芝吱雞 ($68)芝士有小小搶過明太子嘅峰頭，薯仔雖然作為配角但好入味，邊位有小小脆，我鐘意佢甚至多過本身嘅主角，我另外自己加左小小tabasco，辣辣地仲惹味!鱈卵碗 三文魚拼魚子 ($158)吃法3步曲1) 攪拌後直接吃2) 加入喜歡的調味配料同吃3) 加入湯我自己最鐘意第1種食法，最食到食材本身嘅鮮甜味，第2步都ok，第3步覺得加左湯麻麻。