明明車仔麵專門店 (軒尼詩道) (Moved) New Location

出街食嘢食得多，嘴尖起上來自己都驚，驚中伏，驚選擇困難症，仲有女人成日掛係嘴邊嘅：澱粉質肥啊～～（注意拖長個尾音讀）只不過，餓起上來點到妳唔四維搵嘢食？明明由得十幾個位發展到而家double咗座位，係呢個以時速變化嘅灣仔來講，確實值得大家佩服。一個冇圖冇真相嘅社會仍保留住一份純文字嘅點菜紙咖喱魷魚唔會冇鬚，廚務部嘅細心；炸魚皮係另外上嘅，避免擺入湯變淋，細心再加分。朋友仔嘅車仔麵揀咗河粉，食到頂到上頸，份量十足！順帶一提，店內冇紙巾提供，嗜辣又怕辣嘅朋友仔最好帶定紙巾，辣汁好味得來都幾勁。夜深，食個宵夜車仔麵，盛惠$50，性價比極佳。