美滋鍋 (家樂坊)

Open Now

Now Closed

餐廳共有八款湯底，貪心啲想試多幾款，可以選鴛鴦鍋或者四季鍋！我就三心兩意，所以一於食齊四款！🔸膠原蛋白養顏美容鍋 豚肉湯底，乳白濃湯仲有滑豆腐，本菇，就咁飲都唔會太鹹，膠原蛋白滿滿。🔹蕃茄玉米鍋好濃郁嘅蕃茄味，酸酸甜甜好開胃。🔸特濃沙嗲鍋係最香濃嘅湯底，沙嗲本身少少辣，有花生味，任何食材放入去都變得好惹味。🔹養生藥膳醉雞鍋藥材味好出，加上花雕雞，真係好補身。而花雕的醇厚與雞肉鮮甜味相配合，湯料都好好味。選好湯底，店員隨即送上時令刺身拼盤同蔬菜綜合盤，另外餐廳用iPad自己點菜，非常方便。🥩肉類種類唔算多，但有澳洲M 6+和牛前腿心，美國安格斯風門柳，美國安格斯三角牛，四方肥牛，牛舌，紐西蘭羊肉卷，三黃鮮雞件等等。海鮮有竹籤蝦，沙白，花膠，鮮鯇魚片等等，我仲食左炙燒芝心丸，蟹籽墨魚滑，鴨血，豬肝等等。超過60款火鍋配料及飲品無限供應，120分鐘任食真係相當滿足。最後仲有冰凍清甜柚子沙冰，飲完瞬間消滯，仲清新口腔味蕾。