星巴克咖啡

Open Now

Now Closed

十世冇去Starbucks，今日行攰左路過呢間Starbucks就入去坐低食個下午茶。星期六下午5點都有好多位。芒果熱情果星冰樂 大 $46芒果熱情果星冰樂主要係熱情果味，帶少少芒果味，飲落非常之果汁，解渴唔太甜。草莓夢幻忌廉星冰樂 $53草莓夢幻忌廉星冰樂係粉紅色帶白色泡沫嘅，味道係士多啤梨溝雲呢拿味，面頭有白色忌廉，同少量彩色糖粒。呢杯較甜同重奶味，價錢好貴。士多啤梨櫻花抹茶雪芳蛋糕 $38士多啤梨櫻花抹茶雪芳蛋糕係冇乜抹茶味嘅綠色雪芳蛋糕夾住少少粉紅色忌廉配士多啤梨果醬，外圍勁多忌廉，上面一片新鮮士多啤梨，食落完全冇櫻花味。個人覺得完全俾人欺騙，好彩雪芳蛋糕夠鬆軟。雜莓希臘式乳酪杯 $39雜莓希臘式乳酪杯係原味希臘式乳酪上面用膠兜分隔左有脆脆granola同新鮮雜莓，質素正常，完全可以自家製。