漁屋日本料理 (荃新天地2) (Closed)

我第一次光顧這店是十多年前食放題，質素好，款式豐富，不過係座位狹窄，所以沒有再光顧放題。但它的午市定食也相當吸引和有質素，與不同人士到來，次次都滿足開心地走。但今次失望極。我叫了菊壽司併細牛肉烏冬$76，壽司賣相都尚可，烏冬煙靭，牛肉味濃。老公叫了豬軟骨拉麵，碗是特大，份量正常，不覺得特別大。豬軟骨若軟淋多少少更好。最不滿是個湯完全唔熱，只是微暖。阿仔就叫了近乎一百大元的炸蝦拼軟殼蟹天婦羅便當。一送來，相機先食，因為賣相吸引。但一嚐就失望了。軟殼蟹炸得過火，脆脆硬硬，蟹味一般。賣相吸引其中是因炸金菇像一把扇，不過都係「脆」「硬」，沒有味道，呢把扇三個人分都分唔晒，因為唔好食。三個餐仲要加一，二百九十幾。講真，如果這樣的價格，而質素又這樣的差，我寧願去食其他。希望是一時失手，再俾多次機會你啦！