Peace Square (Closed)

星期六起身起得晏, 就緊係食個breaklunch 啦!行銅鑼灣之前去大坑食個all day breakfast真係一個唔錯選擇!呢間餐廳有落地玻璃, 可以睇到個足球場, 有木做枱櫈, 有sofa, 感覺好舒服, 可以慢慢放鬆食個breaklunch。睇下個menu先傳統全日早餐:窩夫好香蛋味, 咬落好髮軟!估唔到多士會係麥包好健康! 而且果醬係自家整的, 少少甜 (其實我分唔出係咩野水果既醬…), 配上麥味, 和微酸既提子乾, 清清甜甜, 好開胃。一朝早唔想食咁油, 就揀左個烚蛋, 煮得唔錯, 又彈又滑!其他火腿, 粟米, 茄汁豆, 意式腸, 我個人覺得少少油, 不過係可以接受, 味道都唔錯。最後以杯latte既完結, 見到隻可愛熊仔, 飲落都好味d既。