品粵居

Open Now

Now Closed

好耐無出街叫餸食飯，朋友嚟過呢間「 品粵居 」飲茶，今次就約埋我嚟試吓晚飯時段。見報道有五星酒店前主廚坐陣，主打精緻粵菜，令我有點期待。**茶芥 $15/位***白飯 $15*餐廳地方唔大，但有落地玻璃感覺開揚，環境整潔乾淨、光線充足。另外都有幾間VIP房。茶壺有火溫熱住，可以一直有熱茶飲，貼心。啲小菜每款都係一百蚊左右，仲有晚市除寶$298/$368，都幾抵食。《 椒鹽金磚滑豆腐 $58 》開胃叫呢個唔錯，香口薄脆嘅外層配上內裡香滑嘅豆腐，蘸上淮鹽/喼汁更提味～《 鎮江排骨 $138 》唔止骨肉都多，好嫩腍，香濃入味，即刻叫碗飯先！《 鮮百合蜜豆炒淮山 $98 》清甜爽口～《 石岐燒乳鴿 $68 》瘦瘦的，但皮脆肉嫩，兩人一隻剛好。《 薑汁千層糕 $28 》呢個即蒸需時，請提早提醒店員準備。真係有好多層，睇得出用心製作。薑味加上煙韌口感，有水準～呢度啲食客都會食到打烊，所以完全唔會催促食客，感覺舒服。