Video
Read full review
2017-05-23
1088 views
好耐冇踏足葵芳 仲記得好耐好耐之前 我同一班朋友去葵涌廣場買平野 個到啲物價真係好親民 而且又有唔少美食 總係覺得葵涌呢邊既店鋪更加樸實 更加平民化～行左一陣 見到呢間Star Kitchen 總覺得呢間餐廳好與眾不同 係一堆港式餐廳 豎立左一間西式餐廳 入面既牆壁掛滿左食物既相片同埋餐牌～佢地好特別既地方 就係所有野都係佢地一手一腳繪製而成 就連是日推介同埋成本厚厚既餐單 都係人手寫 充滿藝術氣息 😍我地就係俾佢地既熱誠吸引 決定入去試菜～傾談間 原來呢個係家族生意 所以佢地好用心經營 想營造一間好溫馨既小店☺️我地首先點左一個生蠔套餐 一碟三隻既生蠔 由兩種不同品種既生蠔拼湊而成～我同朋友都好中意法國Gillardeau 生蠔😍😍新鮮味美既生蠔😍呢隻手掌般大既生蠔並非浪得虛名 佢新鮮每日空運到港 為左僻走啲腥味 上面亦都可以擠上檸檬汁～呢隻蠔好肥美好鮮甜 我一啖將佢擺左落口 整個口腔都充滿住生蠔既鮮味 佢仲帶有少少海水既味道 食完令人回味無窮😋凍奶茶 x 凍朱古力每一個套餐都跟一杯餐飲 由於天氣有啲熱既關係 我地都決定加三蚊轉凍飲 🍹杯凍朱古力比我想像中濃味 味道唔錯～忌廉南瓜湯套餐
行左一陣 見到呢間Star Kitchen 總覺得呢間餐廳好與眾不同 係一堆港式餐廳 豎立左一間西式餐廳 入面既牆壁掛滿左食物既相片同埋餐牌～
佢地好特別既地方 就係所有野都係佢地一手一腳繪製而成 就連是日推介同埋成本厚厚既餐單 都係人手寫 充滿藝術氣息 😍
我地就係俾佢地既熱誠吸引 決定入去試菜～傾談間 原來呢個係家族生意 所以佢地好用心經營 想營造一間好溫馨既小店☺️
我地首先點左一個生蠔套餐 一碟三隻既生蠔 由兩種不同品種既生蠔拼湊而成～我同朋友都好中意法國Gillardeau 生蠔😍😍
新鮮味美既生蠔😍呢隻手掌般大既生蠔並非浪得虛名 佢新鮮每日空運到港 為左僻走啲腥味 上面亦都可以擠上檸檬汁～呢隻蠔好肥美好鮮甜 我一啖將佢擺左落口 整個口腔都充滿住生蠔既鮮味 佢仲帶有少少海水既味道 食完令人回味無窮😋
凍奶茶 x 凍朱古力
每一個套餐都跟一杯餐飲 由於天氣有啲熱既關係 我地都決定加三蚊轉凍飲 🍹杯凍朱古力比我想像中濃味 味道唔錯～
忌廉南瓜湯
套餐配埋餐飲 清甜既南瓜湯加埋忌廉作一點點既點綴～忌廉味道濃郁 飲落好滑好香甜～
前菜— 沙律
有餐湯 點可以冇田園沙律 我最中意食飯前沙律 沙律醬為清甜既生菜注入左另一番風味 甜甜既粟米同埋紅蘿蔔 十分之清新 令人胃口大開 我一口氣食曬成碗沙律～😜
三文魚多士
由於新店開張 而家只要係facebook like同埋 share 佢地既 page 就可以免費食到一客三文魚沙律多士～ 煙三文魚充滿咸香味 再加上酸酸甜甜既沙律菜 十分開胃 😋
忌廉鮮帶子意粉 🍝
第一道主菜係忌廉鮮帶子意粉 意粉口感好正好彈牙 入面有蘑菇、帶子、青椒同埋蔬菜 帶子肉質鮮美 令到意粉層次再昇華～ 個人覺得最特別係佢既忌廉味比我想像中濃🧀 由於忌廉味濃 變左好易覺得膩 再加上好大份 所以最好兩人share 😉
豬肋骨配焗薯
我地點一份香氣撲鼻既豬肋骨 豬肋骨既外皮燒到紅卜卜 上面淋左少量燒烤醬 成道菜充滿美式風格 😋
香濃既燒烤風味配上酸酸甜甜既沙律醬汁 同埋另一種特色烤汁 令我地垂涎三尺🤤 我地將每一條豬肋骨都食到「見骨不見肉」認真好厲害🤣👏🏼 豬肋骨既肉質比我地想像中嫩滑 而且味道甜而不膩～
芒果布甸🍮
飯後甜品！芒果布甸既面頭有一層奶 令布甸更香滑🍮 最估佢唔到既係 佢入面有鮮甜既芒果肉 食落口感十足 又滑更爽口 😛
焦糖燉蛋 最後一道甜品係焦糖燉蛋～呢道甜品聽得多 但食就真係第一次 面頭既糖燒到變成脆片 覆蓋下面既燉蛋🍳 要趁熱將焦糖敲碎 再連埋嫩滑既雞蛋一齊食🍮😋 甜而不膩
我同朋友都渡過左一個愉快既晚上 我地食住美味既套餐 講起好多趣事☺️ 店員既服務態度親切 佢地十分細心 不時觀察我地既桌面 適時為我地清理桌面既碟～又會問下我地對食物既滿意度 可以感覺到佢地有一顆想經營好餐廳既心 ❤️
Post
