榮少喇沙 (Closed)

今日去開屯門，經過屯門時代廣場附近，黎左呢間星馬菜餐廳。呢到座位幾舒適，除左有實體餐牌，亦可以掃QR code點餐，十分方便。有好多唔同菜式選擇，喇沙睇落都好吸引，而我對海南雞情有獨鍾，所以見到有海南雞真係要試下。叫左海南雞飯，配左雞湯同配菜，另外仲叫左凍橙檸茶同蝦餅。雞湯大大碗，有白蘿蔔，另外仲充滿芫茜同蔥既香味。海南雞去左骨，夠哂貼心，醬汁甜甜地，雞都夠嫩滑，另外配左青瓜，十分清爽解膩。蝦餅炸得好脆口，配酸辣醬好惹味。橙檸茶好特別，橙汁加檸茶既味道，飲落好清新又解渴。