春嬌越南河

Open Now

Now Closed

一間隱世食店，座落於一個平平無奇，低調嘅小屋邨商場，但就好似漆黑中嘅螢火蟲一樣咁鮮明，咁出眾，依然掩蓋唔到佢綻放嘅光茫。下班嘅我帶住疲憊嘅身軀，被呢間店名吸引左，因為我就咁岩叫志明，彷彿係命中注定嘅一間食肆。我叫左呢度嘅馳名招牌燒春雞，雖然需時15-20分鐘，但慢工出細貨，一切嘅等待都係值得嘅。雞皮外脆內軟，輕輕一切已經可以感覺到鮮嫩雞肉嘅呼喚。我順住雞嘅骨骼紋理，如庖丁解牛探索鎖係入面嘅肉汁，燒得夠火喉又唔會韌，脆而不會乾身，可以話係每個細節都恰到好處。我將一片雞肉放入口中，天呀，點解會有咁好食嘅雞？感覺好似重新回到初戀一樣，此雞只應天上有，人間難得幾回聞！我手起刀落，兩下食完隻雞，其他嘅生菜包，牛肉串，一樣超水準演繹，彷彿食出人間嘅五味紛陳。