七月餐室 (Closed)

-🔸朱古力一口多士 $32🔸韭黃蝦仁炒蛋 $70🔸馬來巴東牛肉飯 $68🔸金銀蒜粉絲蒸鮮魷 $72🔸XO醬西蘭花炒豬頸肉 $72🔸奶茶紅豆冰 +$9-今日突然要outgoing做野，懶煮所以係附近搵野食，見到新開左間七月餐室，一於試試佢。坐低有d口痕，先叫左份下午茶朱古力一口多士，個朱古力醬唔會太甜，夾埋一齊幾好食。我地一家四口食所以叫左四個餸：韭黃蝦仁炒蛋啲蝦大大隻，炒蛋又唔會炒到老晒；金銀蒜粉絲蒸鮮魷，即叫即蒸，d蒜味好香，鮮魷唔會韌；XO醬西蘭花炒豬頸肉有鑊氣，岩晒餸飯食；馬來巴東牛肉飯，d香料用得好足，又香又有少少辣，好有馬拉風味。我仲叫左杯特飲奶茶紅豆冰，估唔到都幾正，奶茶味仲幾香。