大和豚総本店 (Closed)

周圍行下睇下食咩晚餐好，比佢個餐牌吸引住，有好多款野食揀。前菜叫咗2樣，分別係麻香木耳同麻辣鴨腎。呢2款前菜都係麻麻地，麻辣一啲都唔麻同唔辣。木耳食落去唔似木耳口感。主食可以分為鐵板鍋，打邊爐同埋燒肉。我地今次揀咗極上牛肉鐵板鍋，睇張相好大份咁，好似都夠3~4人分量。上到枱，個鍋同張相嘅相似度有成9成，無呃人。其實堆到咁高，下面有好多芽菜墊底。呢個鍋，9成係菜，得上面果幾塊係肉，鐘意食肉嘅你，鐵板鍋可能唔係你嘅菜啦。睇個顏色，以為好辣，其實一啲都唔辣，少少清清地嘅味。因為成鍋都係菜嘅關係，額外叫咗份烏冬加落去，好食，吸咗啲湯嘅味，牛肉新鮮，無雪味。2個人食咁多個鍋食完好飽，但唔覺濟，可能因為菜嘅關係。但價錢有啲貴，300蚊，菜鍋加幾塊牛肉。有一款飲品好吸引，槍形飲料機上。上到枱自己禁出黎，有得玩，有得飲，自拍最岩。餐牌寫2人份，我覺得3人都夠，因為有成1L咁多。佢仲要係計人頭比杯，而杯入面有粒大冰，夠晒凍。