Video
Read full review
2019-05-16
104 views
今日同同事喺元朗收工搵嘢食，諗住喺雞地附近求其搵啲嘢食，俾我哋見到一間西餐，招牌係用霓虹燈整嘅，實在太吸睛，我哋就入咗去。見到呢間野主打鋸扒，我哋就好不猶豫咁嗌咗兩塊唔成熟嘅扒。一塊牛扒，一塊羊扒Share食。首先嚟咗頭盤，兩條餅乾條加兩塊烤過嘅多士，香脆可口，仲配埋一個好惹味嘅千島醬。然後再嚟紅菜頭湯，其實冇諗過紅菜頭湯係咁嘅味，口感好軟綿綿，我同同事都覺得係有少少似紫薯湯。其實我哋叫嘅套餐，除咗有餐湯同餐飲，仲有薯條任食㗎，親左個黑松露醬同埋茄汁，雖然我哋都食唔晒，但係薯條好新鮮，我哋都食得好過癮！😋😋塊扒呢就不過不失，薯菜幾好味！加$28有一杯1664,抵到爛啦！🍺其實呢間西餐佢哋服務都唔錯，可以再嚟！
見到呢間野主打鋸扒，我哋就好不猶豫咁嗌咗兩塊唔成熟嘅扒。一塊牛扒，一塊羊扒Share食。
首先嚟咗頭盤，兩條餅乾條加兩塊烤過嘅多士，香脆可口，仲配埋一個好惹味嘅千島醬。
然後再嚟紅菜頭湯，其實冇諗過紅菜頭湯係咁嘅味，口感好軟綿綿，我同同事都覺得係有少少似紫薯湯。
其實我哋叫嘅套餐，除咗有餐湯同餐飲，仲有薯條任食㗎，親左個黑松露醬同埋茄汁，雖然我哋都食唔晒，但係薯條好新鮮，我哋都食得好過癮！😋😋
塊扒呢就不過不失，薯菜幾好味！
加$28有一杯1664,抵到爛啦！🍺
其實呢間西餐佢哋服務都唔錯，可以再嚟！
Post
