讚好台灣

Open Now

Now Closed

星期五約了友人睇Spider-Man，又係到老地方寶石戲院睇戲，散場後約9點多，時間尚早，順便食埋晚飯，呢頭都幾多食肆，唔怕冇野食，經過見到呢間台式店子，主打紅燒牛肉麵、滷肉飯及鹽酥雞等，都幾吸引，即想試下，9點多仍是好多人幫襯，幸好剛有2人位。 裝潢是簡約設計，白色牆身及木系枱椅，感覺柔和，店子面積中等，善用空間擺滿座位，密度較高，坐得有點擠迫。 餐牌，牛肉麵及滷肉飯之間掙扎左好耐，都係要牛肉麵。 自己劃。 珍珠奶茶(凍)，跟餐+$10，奶茶唔算好甜，茶味同奶味平衡，珍珠煙韌，味道不俗。 紅燒牛肉麵，$59。 牛肉份量適中，麵就比較偏少，不過呢個份量好啱女仔食，湯底味道濃郁甘甜，麵條彈牙，紅燒牛肉，有部份牛肉帶有筋位，口感鬆化柔嫩，幾好味呀。食物味道幾好，價格合理，有下次呀。