Video
Read full review
2014-04-14
1288 views
三月下旬，話說有一日二姨丈同小肥一邊行灣仔街市，一邊講食經 ；傾談中姨丈問小肥有冇試過街市附近一間好出名o既手撕雞。XO仔聽都未聽過灣仔有間外賣手撕雞專門店 ，於是乎就如實回答，點知姨丈二話不說就立刻帶咗我去石水渠街「厚興瑜記手撕雞」個舖位，叫我搵日一定要買返隻返屋企試吓。四月五日，機會終於黎啦，因為嫲嫲黎屋企食飯，所以大肥爸爸就叫細佬早少少落街斬料，加餸食飯。小肥下午一點鐘去買，舖頭門外一個人都冇，見入面個肥哥哥唔係太忙就同佢傾咗兩句。據知，佢地舖頭每日下午四點到八點最多人幫襯，如果唔想排隊，就建議大家四點前去，不過當然係越早越好啦！得知小弟第一次食「厚興瑜記手撕雞」，肥哥哥仲好心到教小肥返到屋企要第一時間放盒雞入雪櫃，免得變壞，只要飯前攞出黎攤半個鐘頭後，食用時味道就會最佳，真係好人到極 ！「厚興瑜記手撕雞」舖位唔大，入面只有兩位工作人員，一個負責手撕雞肉，一個負責接單及調味。肥哥哥為後者，佢接單後就會喺雪櫃入面取出每盒已手撕好o既雞肉或雞雜，然後喺客人面前加入調味品撈起，整個過程約五分鐘，效率頗高！（如果哥哥仔帶埋手套黎手撕雞肉，個人絕對係會加翻分衛生分。） 正宗手撕雞（
四月五日，機會終於黎啦，因為嫲嫲黎屋企食飯，所以大肥爸爸就叫細佬早少少落街斬料，加餸食飯。小肥下午一點鐘去買，舖頭門外一個人都冇，見入面個肥哥哥唔係太忙就同佢傾咗兩句。據知，佢地舖頭每日下午四點到八點最多人幫襯，如果唔想排隊，就建議大家四點前去，不過當然係越早越好啦！得知小弟第一次食「厚興瑜記手撕雞」，肥哥哥仲好心到教小肥返到屋企要第一時間放盒雞入雪櫃，免得變壞，只要飯前攞出黎攤半個鐘頭後，食用時味道就會最佳，真係好人到極 ！
「厚興瑜記手撕雞」舖位唔大，入面只有兩位工作人員，一個負責手撕雞肉，一個負責接單及調味。肥哥哥為後者，佢接單後就會喺雪櫃入面取出每盒已手撕好o既雞肉或雞雜，然後喺客人面前加入調味品撈起，整個過程約五分鐘，效率頗高！（如果哥哥仔帶埋手套黎手撕雞肉，個人絕對係會加翻分衛生分。）
正宗手撕雞（$85/隻；$44/半隻）：手撕雞每半隻一盒，打開個盒已經聞到陣麻油香，每盒底層都有一隻連骨o既雞髀同雞翼。盒內其餘o既雞肉不僅去哂骨，而且仲去哂肥，就連雞皮都去埋毛 ，健康得黎最啱小肥依啲懶人食 ！攤咗半個鐘頭o既手撕雞肉一啲都唔凍唔硬，咬落仲幾香嫩軟熟添，媽咪同姨媽對個味道都好滿意，二姨丈果然冇介紹錯！
雞腎加豬耳仔雙拼（$32/盒）：豬耳仔切得好夠薄，雞腎亦唔會太厚，兩款質感同樣爽脆，個味道同手撕雞嗰個無異，非常香口野味！大肥話齋，一邊睇波，一邊送酒，簡直一流呀 ！
$85可以買到隻無骨、無肥、無毛o既手撕雞，香口野味，「厚興瑜記手撕雞」深受家中媽咪同樓下姨媽歡迎，因為慳返佢地好多煮餸時間 ！以半隻雞加少少雞雜為晚飯加餸，一百蚊有找，最重要係能夠令家中女皇龍顏大開 ，肥肥家族各成員都覺得「厚興瑜記手撕雞」超抵食，大家食飯如果要加料亦不妨考慮一試！
Post
