美心香港地 (Closed)

今朝去了美心香港地食早餐，以茶記模式運作，環境不錯，食物卻停留在快餐水準。沙爹牛麵，肉多，沙爹醬尚算惹味，但麵底煮鬆晒淋晒，好彩無加 $4 要一丁，實浪費晒。奶油豬零脆感，拿上手唔熱，擺到明老早整定，牛油塗得唔均勻，咬落去死實。炒蛋保住了美心快餐招牌，不止正值更年期，今次更是耆英級別，令人想食粒靜心平衡下。奶茶仲死，茶酸味重，帶澀，唔香唔滑，即使用黑白淡奶沖都於事無補，唔好即沖喇，不如比番杯老早調較好既奶茶我仲好啦。成個餐廿六蚊最入得口既係條腸仔，天啊，好難食！