鮨廷 (Closed)

同一條街開左第二間立食壽司，第一間食左幾次放棄左（可以睇返我之前嘅食評）見呢間唔洗點排即管試下！吞拿魚怪諗都唔洗諗，叫左一個本鮪壽司盛合$150赤身、中拖羅、大拖羅、辣吞拿魚、蔥拖羅手卷。頭三件我都滿意嘅，係舊飯細左少少同散少少，魚切得差少少，魚嘅質數都幾好，但食到辣味就唔覺得係食緊吞拿魚，個辣汁有d怪，塊紫菜唔脆，到個手卷覺得塊紫菜好難咬開。北海道海膽$68好鮮甜，同樣塊紫菜好硬；赤蝦$18 蝦味濃，彈牙，但醬油太濃味，食完呢幾件壽司已經好口渴，決定唔再追加！另外當日vip房有客人，師傅忙住整壽司比佢地，所以散客等得比較耐，放工食完有腳軟嘅感覺⋯