醬缸韓國料理 (Closed)

下午2點鬆d經過就入左去食過lunch，睇下餐牌大部份飯食同面食都係60蚊左右，個別貴d咁，全部唔跟飲品既。 我地3個人，坐低就有2小碟泡菜同土豆絲，唔知有冇得refill呢，不過土豆絲就幾爽口，唔錯!天氣凍凍地，我地都揀熱辣辣石頭鍋飯，石頭鍋飯可以選配雞、牛、豬肉，我地各選唔同肉，但三碗都貌似一樣樣~飯既份量就唔多，配菜有青菜，紫菜，芽菜，蘿蔔絲同埋生雞蛋，女仔就夠食既，男仔可能差少少啦。上枱時真係熱辣辣，食完個碗都仲出煙，但係飯焦又唔會好多，係邊邊同底下有點脆咁。