麵家山下 (Moved) New Location

星期日點半左右嚟到巷仔街，已經被水貨客攻陷，好討厭的水貨客！之前次次嚟山下都坐滿人，食唔到，今次難得嚟到唔駛等位，樓上大把位。聽咗勁耐上水人講呢到個湯底好正… 所以試試啦！醬油义燒拉麵 － 湯唔夠濃…  拉麵係幼身拉麵，尚算彈牙。义燒薄切，燒脆個邊，都幾香。相對另一碗黑蒜湯底嘅拉麵，味道香D，但個湯仍然係唔夠濃… 真係有D失望… 湯底係拉麵嘅靈魂！叫多碟煎餃子(5件)+兩杯飲品，盛惠$170真心講，呢個價錢呢個質素，個人覺得唔係物有所值，OK吧！P.S. 店內環境雖然有日本拉麵店嘅自助水，但人哋日本嘅拉麵店環境感覺係整潔，呢到只係覺得D嘢好殘舊。