綠楊軒

Open Now

Now Closed

最近都多來咗銅鑼灣工作，所以就約個朋友來一試呢間上海菜，況且我都好耐冇食上海菜。坐電梯上到去，一間食店掛咗四五個牌，有台灣、廣東、上海，我去到以為先己去錯咗。當時時間好早，下午六點幾，所以我哋係唯一客人。個餐廳景觀係幾好，面對維港。我睇完餐牌，就好快點咗兩款餐前小食、一個炒飯、一個小菜、一份蟹粉小籠包。餐前小食，燻蛋，煙燻味香，蛋味就唔係幾夠，都合格的。另一個小食係素鵝，都係一般，冇好又冇壞。蟹粉小籠包，就係主食後先上，呢樣就令人有啲失望。小籠包算係可以，但蟹粉好似腥味多咗啲。到主食，叫咗個回鍋肉同乾貝蛋白炒飯。回鍋似，以上海菜味道來講，少辣少少辣，同堆唔夠香。乾貝炒飯，就更加更加淡，好似純食炒飯。服務，除咗坐低叫茶同點菜會見到佢哋自覺來問，其他時間就一定要舉手先有人。