101臺灣品味館 (Closed)

自己本身都幾鍾意食台灣野，夜晚唔知食咩，經過呢間店，見未食過就入去試下。我嗌左個餐--豬軟骨湯薯粉，飲熱玫瑰花茶。豬軟骨湯薯粉：豬軟骨都幾入味，啲肉都係lum嘅，但啲軟骨我覺得硬左少少，如果可以軟啲就好啲，而且豬軟骨份量都足夠。啲薯粉煙煙韌韌，時間煮得啱啱好👍🏼玫瑰花茶:有啲失望，同我expect 嘅唔同，杯野真係有玫瑰花係到嘅，但飲落甜嘅(加左蜂蜜)，而且冇咩玫瑰味，似飲緊蜂蜜水甘。不過贏在價錢親民，而且份量都足，作為一個晚餐都食得過。