第三站

上網搵間cafe可以舒舒服服同朋友傾下計，終於喺Openrice 見到station 3, 第三街喺金雞廣場25樓，觀景非常之開揚，而且座位全部都係寬闊的白色梳化，環境真的不錯。而且仲有好多board games 玩👍🏻順帶一提，店員服務態度非常好☺️我哋去到有lunch menu 和 tea menu揀，我哋lunch同tea都叫左一個，lunch menu就order蟹肉雜菌忌廉闊條麵，再加配田園沙律和藍莓芝士蛋糕，加$38就多兩樣嘢，好抵喎！Tea menu就order蜜糖雞翼配薯條，飲品就係Oero 曲奇奶昔同埋焦糖朱古力，另外叫多一件朱古力蛋糕😋真材實料，闊條麵上放滿了新鮮蟹肉，仲有雜菌、紅椒、青椒、洋蔥做配料，冇得彈😎🍟薯條又粗又長，炸得啱啱好，雞翼熱辣辣，香噴噴。新鮮蔬菜配芝麻醬🤩蛋糕既有質感，又甜而不膩。🌟🌟甜道適中🌟🌟綿密香甜的奶昔中又吃得到脆脆的Oero 餅乾,口感好特別。