café bar on 8

Open Now

Now Closed

之前喺IG 見到呢度嘅落地大玻璃窗廣闊美景同仙氣嘅綠野仙蹤下午茶setting 已決定要嚟，於是自己book埋叫老公嚟陪我慶祝生日 本來擔心呢度唔就腳，但原來都好方便，金鐘站有巴士直達只係兩個站，我哋趕時間搭的士都只係$24，話咁快就到。因為慶祝生日，餐廳真係好貼心地安排了窗邊位置俾我哋，一見到呢個景色真係有心曠神怡感覺！下午茶嚟到，侍應都會等客人準備好對準鏡頭才打開蓋子，確保人人影到仙氣靚相食物方面絕對不差，但當然這裡景色才是主角，所以食物到底會不會吸引到客人要再encore來吃根本不是重點，但放心一定味道唔差㗎。食飽影飽相，我哋決定行過對面馬路，沿纜車徑行落附近嘅香港動植物公園遊覽，慢慢行落山，觀鳥賞花散散步，係非常好嘅tea後活動。