臻.茶 (Mikiki) (Closed)

今日同男朋友有啲事要做，所以去新蒲崗mikiki 入面行下。食完野有啲口渴，經過見到間臻茶，見到桃系列飲品幾吸引，所以就試下。我男朋友就比較養生，唔飲奶蓋同凍飲。左邊係芝士桃桃，即係奶蓋桃茶（？）又唔似沙冰，整體上個味道係唔錯，不過一直飲都飲唔到啲奶蓋，可能係因為啲奶蓋太實？ 我個人喜歡啲奶蓋水狀啲，一路飲會慢慢同杯飲品融埋一齊。呢杯唔會，飲到底仲有啲奶蓋係到😅 最底有啲粒粒桃，唔知係因為唔當造定點，啲桃比較實又唔甜完全冇味🤔右邊係熱嘅暖暖紫薯，我男朋友話見到佢用紫薯粉，而唔係用新鮮嘅紫薯，我飲過一啖，甜度都適中，唔會太甜或者太淡，飲飲下仲飲到啲類似番薯根嘅嘢，一路飲嘅時候都飲到啲紫薯落口，所以我真係唔知佢到底係用紫薯定係紫薯粉，不過呢杯野宜家涼涼地飲就啱晒，下次我可能會飲呢一個。