小魚兒 (寶漢大廈) (Closed)

上次帶🐻爸🐻媽食過小魚兒既烤魚之後，都話好食想再食，呢排凍凍地就係時候出動。⭐️燒羊肉串 $25調味揀左孜然，拎到埋黎果陣已經聞到好香孜然味，肉質軟腍，亦冇羊騷味，怕陣騷味既朋友仔都唔駛擔心。⭐️江團魚 老壇酸豆花 $348今次揀左唔辣+bb麻。湯底唔辣就一定冇咁惹味，但清得黎有酸菜既酸味，飲落好開胃。配菜仲有芫荽、青瓜、洋蔥、雲耳、滑溜豆花、芽菜、寬粉。魚係炭烤過再放上爐煮熱先食，肉質嫩滑，魚脂味濃，都會有骨，一路滾住但魚肉都唔會柴。個爐好猛火，叫店員加左幾次3次魚湯🤭⭐️紅薯粉 $28⭐️金針菇 $36⭐️炸響鈴 $48叫呢3款都係為索湯汁，推介紅薯粉，湯底滾後落就好快熟，食落好煙韌。