炑八韓烤 (MegaBox) (Closed)

暖羊羊海鮮燒烤套餐🐑🐑🐑幾個朋友一齊想食個大餐，去左炑八食暖羊羊海鮮燒烤套餐🐑🐑🐑食完超飽超滿足，對得住個價錢😋前菜已經超豐富，有紅菜頭沙律🥗、泡菜、紫菜、芽菜等等！套餐既主角係羊架，有兩款口味：醬油羊扒+帶骨羊扒，係非常大件兼厚肉，所以都要燒一段時間，不過唔好燒到全熟啊。我覺得好正，羊味保持到喜愛既氈味，完全唔韌都幾有肉汁😍😍😍大墨魚一大塊好震撼，要剪開來燒，個邊邊燒到少許金黃色就係最好食🦑好神奇完全唔韌好易咬！韓式大蝦🦐大大隻仲有好多蝦膏厚切五花腩🐷有啲喜出望外，豬肉味好重但係肥既位唔多，真心好味！大八爪魚🐙用辣醬醃過，一樣大隻到要剪開，不過我cool牙實在無福消受😅醬油炸雞年糕係另一款小食黎，炸雞好厚肉脆卜卜🍗，年糕用醬油調好味，仲配埋薯條🍟最開心係爐邊有芝士粟米🧀🌽同泡菜蒸蛋🥚食完可以任添！食熱氣野當然要飲番特飲啦，順便解下渴☺️哈密瓜沙冰真係有粒粒哈密瓜🍈沙冰好濃味完全冇溝淡！仲點左個special既摩天輪🎡，其實係cocktail黎架🍸🍸🍸有椰子🥥+白桃🍑兩種味，白桃較香口椰子就酒味重啲！其實已經超級飽不過都要留返個胃食甜品！哈密瓜冰沬係半個上，裡面裝住哈密瓜沙冰同糖水，有杏