Video
Read full review
2018-01-19
2766 views
收工同朋友想飲杯野，朋友就問我：「有冇去過雲咸街間Stockton？」我有時開工都會經過雲咸街，但從來都冇發現有間咁嘅嘢🤔🤔所以就同朋友去試一試。去到路口位32號，一個招牌指示都冇，心諗：會唔會又執咗呀？😓咁啱見到有人喺旁邊個黑媽媽嘅門口位入去，所以跟住入去一探究竟。👀入到去再上層樓梯，就見到個bouncer，問佢呢度係咪Stockton，先終於知道個入口咁隱蔽。入到去，燈光比較昏暗，氣氛唔錯，就試試佢嘅cocktail！我叫左杯Fiery Ginger，用咗黑色鵝蛋型杯裝住，用薑味配襯呢杯用干邑做底嘅cocktail，一入口勁度出哂黎，後段又帶少少干邑甜味同香草味，相當好飲。朋友就叫咗杯搞鬼啲嘅Forty Four，Apple brandy做基調，用賣相精緻嘅魚仔玻璃杯裝住，因為加咗蛋白同忌廉，所以入口比較creamy，亦飲到杏脯同椰子香。佐酒小食方面，就叫咗Duck Scotch Egg同埋Salmon Rillette。個炸蛋調味夠，上面嘅紅椒蒜蓉醬好獨特惹味，外層好脆，亦唔會覺太乾。中間蛋黃都做得到流心效果，口感不錯。下面嘅蘋果椰菜碎沙律味道酸酸，幾得意。至於個三文魚，切碎粒後
我有時開工都會經過雲咸街，但從來都冇發現有間咁嘅嘢🤔🤔所以就同朋友去試一試。
去到路口位32號，一個招牌指示都冇，心諗：會唔會又執咗呀？😓咁啱見到有人喺旁邊個黑媽媽嘅門口位入去，所以跟住入去一探究竟。👀
入到去再上層樓梯，就見到個bouncer，問佢呢度係咪Stockton，先終於知道個入口咁隱蔽。
入到去，燈光比較昏暗，氣氛唔錯，就試試佢嘅cocktail！
Fiery Ginger
82 views
0 likes
0 comments
我叫左杯Fiery Ginger，用咗黑色鵝蛋型杯裝住，用薑味配襯呢杯用干邑做底嘅cocktail，一入口勁度出哂黎，後段又帶少少干邑甜味同香草味，相當好飲。
Forty Four
102 views
0 likes
0 comments
朋友就叫咗杯搞鬼啲嘅Forty Four，Apple brandy做基調，用賣相精緻嘅魚仔玻璃杯裝住，因為加咗蛋白同忌廉，所以入口比較creamy，亦飲到杏脯同椰子香。
Duck Scotch Egg
84 views
1 likes
0 comments
佐酒小食方面，就叫咗Duck Scotch Egg同埋Salmon Rillette。個炸蛋調味夠，上面嘅紅椒蒜蓉醬好獨特惹味，外層好脆，亦唔會覺太乾。中間蛋黃都做得到流心效果，口感不錯。下面嘅蘋果椰菜碎沙律味道酸酸，幾得意。
Salmon Rillette
65 views
0 likes
0 comments
至於個三文魚，切碎粒後撈埋鱒魚子、粉紅胡椒、蔥等，食落creamy濃味，送酒一流。多士熱脆有油香，就咁食都好味。🤤
今次試得兩杯cocktail，會再返黎！😋😋
Post
