成記飯店 (Closed)

三號風球底下，再次同朋友光顧這間街坊飯堂，可能打風落雨關係，食客唔算太多，但當我地坐低後，就逐漸見到唔少街坊熟客冒雨都來幫襯，可見呢度真係街坊飯堂！今次一行5人，老闆向我地介紹左一味椒鹽豬扒炒飯，份量都幾大，於是我地另外只叫多左三個餸，生炒骨，苦瓜炒排骨，係諗緊第三樣既時候，老闆賢哥就向我地推介一味---新鮮雞子，佢話本身有客人預訂左，但因為打風關係，客人無黎到食飯，於是向我地推介，呢味雞子非常新鮮，入口即溶，好少食到呢種口感既雞子，就算本身唔太好雞子既朋友，試過之後都愛上左，老闆就話如果下次想食，要預先order，因為唔係日日有！下次一定要再食😋😋😋另一推介就係椒鹽豬扒炒飯，份量超夠超足料，豬扒非常香口，炒飯亦非常夠鑊氣，朋友食得非常滿足😝😝😝老闆同我地講，天氣就轉涼，好快會有羊腩煲上市，暫定21/10就有得食，老闆仲話佢地既羊腩煲同出面既唔同D，叫我地一定要試試，羊腩又係我另一最愛，到時一定要黎試試😋😋😋