大丸和風食堂 (Closed)

陪朋友去旺角買聖誕樹，之後佢話請我食日本野，通菜街就有間大丸和風食堂 ，無論環境和食物都唔錯，置身其中就好似去咗日本居酒屋。特盛海鮮丼配味噌湯，特盛海鮮丼面上鋪滿多種海鮮，每樣都超新鮮，赤蝦鮮甜爽脆，蝦味濃郁。帆立貝味道鮮甜，肉質扎實爽脆。三文魚肥美，魚脂甘香，三文魚籽粒粒飽滿，晶瑩可口。玉子切粒口感滑嫩。和風炸雞肉汁豐富，脆香嫩滑，冇骨啖啖肉，配以醬汁調味，濃郁惹味！名古屋芝麻手羽先3隻，芝麻味特香外皮金黃酥脆，咬開內裡藏著雪白嫩滑的雞肉，非常香口。點些醬汁更好味。凍咖啡冰凍香濃。