Video
Read full review
2022-05-07
443 views
間唔中都有朋友問及omakase入門推介：可以淺嘗一下而銀包又唔會太痛٩(๑•ㅂ•)۶ lunch或者會多啲選擇，但dinner做到十八品同定價三位數，又兼備質素嘅，大概只得神樂！？𓃗❝KAGURA Omakase❞ ($950 +10% → $1,045）包括前菜﹑刺身﹑和食料理﹑壽司等十八品料理，今次到訪壽司有9貫再加「白子撈飯」，飽肚感滿滿。今篇先談前菜﹑刺身﹑和食料理，下篇詳細介紹壽司。（有♥︎為個人大愛）𓃗〔兵庫縣真蠔♥︎〕肉質結實爽口，蠔身非常飽滿，海水味偏淡。採用柚子洋蔥做調味配合得完美，係會令人期待「唔知接住落黎唔知有咩食呢～」嘅前菜！〔子持魷魚♥︎〕季節限定！魷魚筒口感爽滑﹑富有彈性，而魷魚筒內嘅卵呈透明啫喱狀，但夾落去似膏狀，而入口質感竟然係似柔軟版嘅麻糬HAHAHA〔象拔蚌〕面頭加咗加咗鹽同埋柚子提鮮，係omakase常見調味，爽甜象拔蚌配搭微酸柚子非常開胃。𓃗〔醬燒帆立貝♥︎〕首嚐鮨店紫菜就係依到～夠脆！當然因為有醬汁，不能要求食到最尾都係脆卜卜。king size帆立貝厚肉又結實，非常鮮甜。〔稻草燒鏗魚〕燒過後鏗魚帶些微油香，魚味偏淡，口感比較清新。𓃗〔拖羅紫蘇卷♥︎〕
𓃗
❝KAGURA Omakase❞ ($950 +10% → $1,045）
包括前菜﹑刺身﹑和食料理﹑壽司等十八品料理，今次到訪壽司有9貫再加「白子撈飯」，飽肚感滿滿。今篇先談前菜﹑刺身﹑和食料理，下篇詳細介紹壽司。（有♥︎為個人大愛）
𓃗
〔兵庫縣真蠔♥︎〕
肉質結實爽口，蠔身非常飽滿，海水味偏淡。採用柚子洋蔥做調味配合得完美，係會令人期待「唔知接住落黎唔知有咩食呢～」嘅前菜！
〔子持魷魚♥︎〕
季節限定！魷魚筒口感爽滑﹑富有彈性，而魷魚筒內嘅卵呈透明啫喱狀，但夾落去似膏狀，而入口質感竟然係似柔軟版嘅麻糬HAHAHA
〔象拔蚌〕
面頭加咗加咗鹽同埋柚子提鮮，係omakase常見調味，爽甜象拔蚌配搭微酸柚子非常開胃。
𓃗
〔醬燒帆立貝♥︎〕
首嚐鮨店紫菜就係依到～夠脆！當然因為有醬汁，不能要求食到最尾都係脆卜卜。king size帆立貝厚肉又結實，非常鮮甜。
〔稻草燒鏗魚〕
燒過後鏗魚帶些微油香，魚味偏淡，口感比較清新。
𓃗
〔拖羅紫蘇卷♥︎〕
拖羅肥美，入口帶油脂感，唔算多渣。兩塊拖羅厚薄適中，配合紫蘇葉﹑紫菜﹑新鮮山葵，味道層次豐富。魚脂會係口腔慢慢揮發，滿足感100分。
〔北海道紫海膽〕
紫海膽味道比馬糞海膽清新，帶甘甜而入口有顆粒感，原隻連殼呈現視覺效果一流。
〔冬瓜煮蟹鉗〕
蟹鉗鮮味濃郁，有冬菇座陣味道必然受我喜愛（嘿），係壽司前加插一道熱食，暖胃佳品。
𓃗
先付﹑料理做得出色，自然令食客非常期待壽司會有咩表現～spoiler alert：可以話係越食到後段越有驚喜！ჱ̒⸝⸝•̀֊•́⸝⸝)
𓃗
〔鯛魚〕
前菜已經有唔少「打開味蕾」之作，作為第一貫壽司嘅鯛魚唔需要兼顧咁多野，只需要呈現出肉質堅實﹑魚皮紋路突出嘅魚料已經足夠吸引。
〔白蝦海膽♥︎〕
白蝦膠質唔算重，唔會太漿口，但同時蝦肉爽甜之中帶甘，配合面頭海膽提味，係有豐富aftertaste嘅一貫壽司。
〔北海道櫻鱒〕
粉橙色外貌非常討好，帶有適量油脂感，魚味唔算濃郁，但肉質柔嫩，作為前段壽司非常合適。
𓃗
〔活北寄貝〕
鮮味十足而且口感非常爽脆，盛夏時節貝類fans食omakase應該很開心～
𓃗
〔醬油漬赤身♥︎〕
一向對赤身無咩大興趣，但依貫非常出色。醃漬時間剛剛好，令醬油成功提鮮到最佳水平（而且依貫魚料係king size）同樣係帶aftertaste嘅一貫。
〔雞泡魚白子撈飯♥︎〕
上菜一刻忍唔住問師傅「5月仲有白子食咁好嘅？！」師傅亦樂意解釋，原來雞泡魚白子依然係啱時節架。白子質感非常creamy細滑，直頭想撈夠一碗飯呀⋯( ✧Д✧)
〔吞拿魚腦天♥︎〕
Omakase一般都會有赤身﹑中／大拖羅，而原來腦天係吞拿魚頭頂位置嘅魚料，一條魚只得兩片！魚味非常濃郁，而且比較少筋，滋味程度不輸拖羅。
〔熟成十五日中拖羅〕
熟成處理後拖羅比較軟嫩，顏色係沉實中帶光亮嘅深粉紅色，魚香同脂肪比例都恰到好處。
〔海膽♥︎〕
食咗原隻紫海膽（見上篇）之後又有海膽品嘗，大滿足！！海膽質地稠密，口感綿滑細膩。
〔半熟車海老〕
肉質非常緊緻，鮮甜味美，車海老本身size就相當之大，口感又夠爽彈，用佢作結令人滿足感飆升。
𓃗
〔麵豉湯〕
係熱辣辣又帶鮮味嘅麵豉湯！
𓃗
舍利方面首先必須要講：比較翻以往到訪嘅omakase，依到係屬於大飯級別！加上本身就有多道前菜，絕對會飽到捧住個肚走。醋度偏低，黏性適中，溫度比微溫再低少少，相當符合大眾口味。一句講哂：依個質素對得起價錢有餘。( ͡° ͜ʖ ͡°)
𓃗
𓂃𓈒 𓂂𓏸 神樂 𓏸𓂂 𓈒𓂃 @sushikagura.hk
尖沙咀金馬倫道58-60號國鈀大廈地下B號鋪
港鐵尖沙咀站B2出口，步行約4分鐘抵達
每日12:00 - 22:00營業
❋ 可經openrice訂座
𓃗
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♡♡
抵食指數 | ♥︎♥︎♥︎♥︎♥︎♥︎♥︎♥︎♥︎♡
店舖環境 | ♥︎♥︎♥︎♥︎♥︎♥︎♥︎♡♡♡
用餐體驗 | ♥︎♥︎♥︎♥︎♥︎♥︎♥︎♥︎♡♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 二人聚餐
𓃗
更多同區美食 ☞ #17尖沙咀
更多同類美食 ☞ #17日本菜 #17omakase
𓃗
♥️ 追 蹤 @17feelgood 發 掘 更 多 高 質 感 食 事 / 日 常 / 旅 遊 提 案 ♥️
Post
