江南庭敘 (Closed)

今日係天文台話入冬以來最凍的一天，我都有同感啊！所以天氣咁凍一定要去打邊邊啦！平時好少黎到九龍灣呢邊食飯，今次就同朋友去呢間係商業大廈入面的江南庭聚，位置離九龍灣地鐵站遠少少，大約行十幾分鐘。餐廳環境舒適光亮，坐得又舒服，而且服務周到，一入座即刻問要開咩茶，笑容滿面好nice，仲頻頻為你添茶，好貼心！我們先點餐同混醬料，湯底就點了招牌鴛鴦鍋，火鍋料當然唔少得有手切肥牛、四寶丸、唐生菜同炸千層腐皮。而醬料都好齊全，任你混！湯底來了一邊係香味濃郁的秘製沙嗲鍋，另一邊係清甜的清湯鍋，湯內有滑豆腐同菜。哇～份量十足，超新鮮的手切肥牛，肥牛脂肪分佈均勻，一片片放滿整隻碟，而且厚度適中，滾一滾就食得，牛肉好鮮美，肉質嫩滑。想食到牛肉的原汁原味最好用清湯底，而用沙嗲湯底牛肉會惹味啲！而呢度的四寶丸包括有鮮蝦丸、鮮牛丸、墨魚丸同鮮肉丸，全部都係新鮮手打的，所以款款都咁爽口彈牙。而且放四寶丸的器皿都幾特別，好似雞蛋盒咁，可以獨立一粒粒放，咁就唔會同其他丸黏埋一齊啦！打邊邊我通常都會打下菜，清下油膩感，所以就選了唐生菜。呢度的唐生菜都好新鮮，翠綠色的，而且洗得乾淨！最後係呢個炸到金黃色的是炸千層腐皮，腐皮