Video
Read full review
2020-11-22
3934 views
朋友話出黎打邊爐，大鴻輝入面上上下下幾間店都試過，唯獨小肥羊未去過，就試下佢吧。五點半黎到，餐廳貌似剛營業，店員還在進餐，可能阻人食飯，店員態度都幾晦氣，我明嘅。揀了$158/位的餐，店員大大聲叫入廚房（?）話$185個餐兩位，即時黑人問號，個價錢？不過店員個態度咁樣，就廢事問咁多。後來計一計，$158加假期$10，再加埋一就係$185，我估店員係講緊final埋單嘅價錢，應該係。店內裝修同擺設都有點年代，枱上的紙巾盒已完全退色，而且上面印著全盛期的分店地址同電話，而加得返一間都幾唏噓。自助區不算十分多選擇，不過主要黎食羊肉，呢度啲都係點綴啫。醬料區一般有的都有，ok啦，最正係有麻辣料可自行為湯底加辣。湯底揀了蕃茄湯併麻辣湯，呢度雙併鍋不用額外加錢。蕃茄鍋茄味挺淡，麻辣湯就較出色了，又麻又香，不過比起多年前國內食的味道還是稍遜，大概是要迎合港人口味吧。先來個混醬，加了生蒜，麻油，腐乳醬，芫荽，辣椒等，夠晒香口。每位送一件蒙式焗羊鞍，呢個好好食，羊肉連一點點羊脂燒得甘香，孜然粉調味剛好。呢個餐包三款羊肉任食，分別係鏗鏘玫瑰，名羊四海同羊帆起航，但店家一次過上，所以都分唔出邊碟係邊款，哈哈
五點半黎到，餐廳貌似剛營業，店員還在進餐，可能阻人食飯，店員態度都幾晦氣，我明嘅。
揀了$158/位的餐，店員大大聲叫入廚房（?）話$185個餐兩位，即時黑人問號，個價錢？不過店員個態度咁樣，就廢事問咁多。後來計一計，$158加假期$10，再加埋一就係$185，我估店員係講緊final埋單嘅價錢，應該係。
店內裝修同擺設都有點年代，枱上的紙巾盒已完全退色，而且上面印著全盛期的分店地址同電話，而加得返一間都幾唏噓。
自助區不算十分多選擇，不過主要黎食羊肉，呢度啲都係點綴啫。
醬料區一般有的都有，ok啦，最正係有麻辣料可自行為湯底加辣。
湯底揀了蕃茄湯併麻辣湯，呢度雙併鍋不用額外加錢。蕃茄鍋茄味挺淡，麻辣湯就較出色了，又麻又香，不過比起多年前國內食的味道還是稍遜，大概是要迎合港人口味吧。
先來個混醬，加了生蒜，麻油，腐乳醬，芫荽，辣椒等，夠晒香口。
每位送一件蒙式焗羊鞍，呢個好好食，羊肉連一點點羊脂燒得甘香，孜然粉調味剛好。
呢個餐包三款羊肉任食，分別係鏗鏘玫瑰，名羊四海同羊帆起航，但店家一次過上，所以都分唔出邊碟係邊款，哈哈，我估呢個紅色啲嘅係玫瑰？
羊肉第二款
羊肉第三款
自助區攞的墨魚滑同羊肉滑，前者幾彈牙唔錯呀，羊肉滑食落有啲似山竹牛肉，不過帶點羊酥味，都幾好食。
各式蔬菜，丸類等，自取區都refill得好密。
甜品有炸芋丸同椰汁糕，甜甜地ok啦。個餐仲包肥牛片，豬肉片，雞件，鯇魚片同生蝦，但除左第一轉迫你一定要後我地都無encore了。
另外飲品櫃內只有汽水，同一個大壺的五花茶，用不透明的容器盛著擺在不顯眼的地方，哈哈，無乜信心飲用。
二百蚊唔使可以任飲任食，其實都抵嘅，作為愛羊之人都希望佢可以經營落去。
Post
