農家意粉餐廳 (Closed)

無諗過呢間會過完年之後唔做，會搬返去上水。不過無法啦，生意難做嘛。呢日就過黎食最後一餐啦。三文魚南瓜湯其實三文魚既數量都唔算太多，但南瓜味算幾突出。而個忌廉味都算好重，睇得出係好好飲既。羊扒雖然等左好耐，而且唔算太大舊。不過個羊扒勝在唔太"蘇"，而且味道都唔錯。個汁係芥茉汁，好惹味架。凍奶茶都算幾好飲，茶味好濃。又唔算太甜，勝在夠大杯。雖然要走啦，不過希望去到上水會更好啦。