第五街冰室 (京瑞廣場) (Closed)

早幾日呀媽話佢啲炒野幾好食，話說今日休息，咁就去試下呢間新開既餐廳啦😊 入到去好有附近其中一間餐廳既感覺，舊式工廠feel🤔 坐位都幾舒服👍🏽 睇完餐牌叫左個涼瓜班腩炒河，真係幾好食😃 涼瓜唔苦，又夠熱，係班腩有啲雪味姐☹️ 友人叫左咖哩牛腩飯，牛腩好硬，唔夠腍😟 不過都冇咩緊要，可能因為早得濟去食，未煮得好姐。 咁我地食完野，杯野又未飲完，緊係想坐多陣吹水同涼冷氣😆 見到出面等位既都係6位，而我地坐緊4人位，咁坐多陣唔過份呀🤔 而且有位，好多人食完都走。店員見我地食完都好合理咁收走我地枱面既野🙂 但過多兩分鐘到，另一店員又黎收枱面啲野，勁快收曬我地啲水，但其實我地杯野飲都未飲完而且想飲水😞 之後，佢地每一分鐘輪流都走過黎停係到望，擺明趕人走想翻多轉枱。我明白既，但我想講既係我地杯野都係未飲完，而且出面冇人等位囉🙄 洗咩咁心急呀😤 本身其實想讚下間餐廳既，但最後真係唔係好愉快😡