Video
Read full review
2017-07-30
4336 views
今日黎大澳之行，享受遠離市區既片刻寧靜，同埋感受漁村和諧樸素既風土人情。Tai O Lookout一直都喺我既wish list上面，今日黎到完全覺得不枉此行！非常值得黎試！我係坐觀光艇黎度酒店呢邊落船既，$20/程遊覽完再直接喺酒店對出碼頭落船好方便。因為呢度係大澳邊邊位，如果由大街行過黎都要20分鐘，沿途會有狗狗同好多貓，佢地全部都同呢度既街坊一樣咁友善咖～仲會見到紅樹林，細心睇會見到好多彈塗魚同蟹仔。仲會路經手信店，一桶桶既蝦膏等，淨係由市區行過黎段路都好有樂趣。我落船時間尚早，就喺酒店閒逛，問吓工作人員附近有咩景點，佢推薦我去睇日落。大澳既日落超靚，完全係Pantone上季最流行既粉紅+粉紫！照片好難拍攝出肉眼所見既美呢～大大個咸蛋黃，一路睇住天空慢慢變色，好浪漫呢。餐廳既位置在山上，需要行樓梯或坐升降機上去，呢張相係食完飯先影的～建議天未黑曬時就去餐廳，因為入黑後就睇唔到出面既景色啦登山電梯當我入到去時不禁講左句：「好靚呀～！」店員笑住問我係咪第一次黎，可能佢已經習慣左呢個咁靚既工作環境了 XD店內全採光設計，黃昏光線照射入黎配合柔和既鋼琴聲同古典裝潢，整個畫面十分唯美窗旁有
Tai O Lookout一直都喺我既wish list上面，今日黎到完全覺得不枉此行！非常值得黎試！
我係坐觀光艇黎度酒店呢邊落船既，$20/程遊覽完再直接喺酒店對出碼頭落船好方便。
因為呢度係大澳邊邊位，如果由大街行過黎都要20分鐘，
沿途會有狗狗同好多貓，佢地全部都同呢度既街坊一樣咁友善咖～仲會見到紅樹林，細心睇會見到好多彈塗魚同蟹仔。
仲會路經手信店，一桶桶既蝦膏等，淨係由市區行過黎段路都好有樂趣。
我落船時間尚早，就喺酒店閒逛，問吓工作人員附近有咩景點，佢推薦我去睇日落。
大澳既日落超靚，完全係Pantone上季最流行既粉紅+粉紫！照片好難拍攝出肉眼所見既美呢～
大大個咸蛋黃，一路睇住天空慢慢變色，好浪漫呢。
餐廳既位置在山上，需要行樓梯或坐升降機上去，呢張相係食完飯先影的～建議天未黑曬時就去餐廳，因為入黑後就睇唔到出面既景色啦
登山電梯
當我入到去時不禁講左句：「好靚呀～！」店員笑住問我係咪第一次黎，可能佢已經習慣左呢個咁靚既工作環境了 XD
店內全採光設計，黃昏光線照射入黎配合柔和既鋼琴聲同古典裝潢，整個畫面十分唯美
窗旁有一排私隱度較高既兩人座位，我好喜歡坐窗邊呀～可以飽覽附近景色
當日店內人流唔多，我影相時咁啱有幾枱食客埋左單，影完又有幾枱入左黎，成晚都好寧靜好舒服。
木類傢私＋雲石枱，心心眼
美妙既鋼琴聲係由呢部自動鋼琴彈奏出黎的～嗯～優雅～
影到差不多時食物都開始上菜啦
大澳一品炒飯 $98
平時唔係特別喜愛蝦膏既我，黎到大澳聞到蝦膏原來係咁香，即管一試！
果然有驚喜呀，炒飯蝦膏唔會太搶，份量適當。
入面有好多蝦，最特別既係佢混合使用蝦乾＋鮮蝦。相比之下，蝦乾比鮮蝦更好味呢～
蝦乾蝦味較濃郁，同埋唔會太乾太硬，係有水份的。大澳既蝦乾比我所認知既蝦乾原來好食咁多咖(←被美景沖昏頭腦的人)
伴碟既醬汁都有蝦膏味，但係味道調淡左，偏甜的。有少少似沙律醬咁。
炒飯乾爽，仲有啲脆口細椒粒，口感獨特。
大澳一品炒飯
$98
46 views
2 likes
0 comments
飯粒分明，炒得乾爽唔油膩
左邊係鮮蝦，右邊係蝦乾，蝦乾完勝！
大澳一品炒飯
$98
57 views
0 likes
0 comments
大澳潛水艇三文治 $68
對大澳好著迷既我表示兩味菜都要order大澳特產哈哈
呢個潛水艇三文治比一般三文治既獨特之處係佢加左大澳蝦同魷魚
個法包烘到暖笠笠，外層脆卜卜。我係最鐘意既加熱左既包既，食凍冰冰包會不爽呢 = =+
蝦同魷魚就有少少失望，味道較淡，如果落啲鹽同胡椒會好好多～
另外仲夾左火腿、生菜、芝士、蓄茄等，好足料
大澳潛水艇三文治
$68
53 views
2 likes
0 comments
大澳潛水艇三文治
$68
49 views
0 likes
0 comments
薯條要讚！係真正薯仔切出黎既厚切薯條～好有薯味～仲要熱辣辣炸起，超正呀
大澳潛水艇三文治
$68
71 views
0 likes
0 comments
Damm Lemon Beer $48
由於當日好熱既關係我點左望落幾得意既檸檬味啤酒，酒精只有3.2%，好清淡既生啤。
仲有啲檸檬汁既味道，係幾特別既。
Damm Lemon Beer
$48
96 views
0 likes
0 comments
Iced Pineapple Punch $48
同行友人點左呢杯非酒精菠蘿特飲，似係七喜＋菠蘿汁，唔會過甜，都幾消暑
Iced Pineapple Punch
$48
62 views
1 likes
0 comments
整體黎講呢度既食物款式雖然唔算超級特別，但好食之餘價錢唔貴(相對酒店同環境黎講)、服務又好、配合一流既環境我會好推薦大家黎試。
餐牌
Post
