Greyhound Café (海運大廈)

Open Now

Now Closed

呢間應該係我最經常食嘅泰國菜，因為好啱我口味之餘亦都性價比好高🫶🏻⭐️ 泰式河蝦冬陰功湯河粉呢個係咁多間之中我最鍾意嘅冬陰功，沒有之一，真係好正！湯底極之濃郁，辣味同埋酸味好平衡，而且係屬於小辣，唔會流鼻涕🤣 ，加上新鮮嘅河蝦，真係耐唔耐就會想回頭！⭐️ 泰式燴牛肉及牛丸湯米粉：唔食辣嘅朋友好like，牛肉燴得好腍，加上彈牙嘅牛丸同米粉，都係一碗簡單而令人滿足而嘅麵。⭐️ 啖啖蟹肉配黃咖喱虎蝦+印度煎餅：呢道又係一個經常回頭嘅選擇！每一啖都係滿滿嘅咖哩蟹，配合印度煎餅薄脆鬆化，係一個比較獨特嘅組合。蟹肉好鮮甜，配上濃郁嘅黃咖喱同虎蝦，味道好濃厚。而且呢個咖喱係甜嘅一啲都唔辣。⭐️ 特色小食拼盤：拼盤上有各種唔同嘅小食，例如肉丸、泰式魚餅，肉腸同串燒。呢個絕對係一個適合分享嘅選擇。