翠華餐廳 (Closed)

最近係電視度見到「翠華」狂賣廣告，唸返起，原來自己都應該有3年無踏足過呢間餐廳，可能因為實在太多遊客嘅關係，跟本唔會想堂食，更何況要仲要排隊。見公司附近有間，今日就買個外賣返公司慢慢食。瑞士汁牛肉炒河 $66裝到個盒勁滿~材料好足，牛肉多，河粉仲多。甜甜地嘅瑞士汁好濃，而且河粉都炒得均勻有鑊氣，同最緊要多汁，有人唔意多汁，但就啱晒鍾意醬汁嘅我。香滑奶茶 (凍) $21奶茶係冰鎮，無冰粒係入面，可以慢慢飲唔怕味道會變淡。奶茶味道我好like，茶唔會有苦澀味，奶好幼滑，好飲。老實講，以$66黎講，份量係俾足。但好似我一個女仔，真係唔會食得晒。如果可以將份量少番d，價錢調低d，咁就好喇，又可以減少浪費。幾經努力，都食剩咁多。