Monster Burger (Closed)

今日星期五，所以約埋幾位親的同事聚會，我哋在『遠東金融中心』已經是1:15pm，所以都幾心急搵位，經過大家樂、大快活、四季日本料理，都勁多人，唯獨是Monster Burger 水靜河非，一枱人都無，跟對上一次黎真唔同，唔通 "海嘯" 真的咁大影響。行過一看，都有數人正排隊等外買。奇趣鮮魚堡﹙套餐﹚ ---- $47 ---- 比麥記大三分一有多，而且好鮮味，熱辣辣。奇趣豬扒堡﹙套餐﹚ ---- $47 ---- 普通啦，不講得好味。奇趣雞腿堡﹙套餐﹚ ---- $47 ---- 佢比KFC好味，仲感覺上冇咁熱氣及肥膩。論價錢，當然比其它同類型貴三分一，但勝在小人，唔嘈，易搵位，環境頗舒服，一個不錯的快餐店。