媽咪雞蛋仔 (Closed)

一向好鍾意食雞蛋仔及夾餅， 媽咪雞蛋仔 嘅雞蛋仔一向係出名好食 ， 又多款式揀， 今日落街弟弟要求先去呢度買個雞蛋仔食!媽咪雞蛋仔嘅特色係佢有好多款唔同嘅口味可以供選擇 我特別喜歡吃鹹蛋黃所以就叫咗個人氣推介 no. 1 黃金雞蛋仔$33, 飲品就叫咗香芒椰子奶 $26， 一個雞蛋仔加一杯飲品呢個套餐就減4蚊。雞蛋仔非常香脆, 十分挺身, 雞蛋仔裏面有鹹蛋黃，而鹹蛋黃分佈得相當均勻，不會膩， 很香脆又邪惡 ， 如果10滿分簡直有 9.9分 我都係第一次食有鹹蛋黃嘅雞蛋仔 。食完再三回味， 小弟弟食過都喜歡吃香茫椰子奶有芒果汁跟椰奶， 有好香滑嘅椰奶口感，也有清香嘅芒果味， 最好嘅就係佢不會太甜 ，啱曬我! 小弟弟就揀了香蕉朱古力雞蛋仔加雲呢拿 雪糕 $52，同埋芒果沙冰$26， 同樣套餐減4蚊。香蕉朱古力雞蛋仔個味道非常特別， 真係有香蕉同埋朱古力味喺裏面小弟弟吃得愛不釋手， 雲呢拿雪糕嘅份量一啲都唔輕手 ，上面仲有焦糖醬同埋朱古力sprinkle ，我都急忙幫佢食幾啖雪糕芒果沙冰又係冇得輸， 有好香嘅芒果味， 又不會太甜 ，非常解渴