Pivo Czech Bar (Closed)

我地一行11人book左8點鐘到呢間廣受好評既餐廳，諗住靜靜地可以傾下計，點知未入門口，餐廳已經嘈到好似拆天咁。同相片中優雅既西餐廳真係差天共地，所以一入到門口，已經想快快趣食完走。之後諗住叫侍應比幾杯水我地，點知仲難過我自己去拎，侍應好幾次都扮見我地唔倒。呢間餐廳都可以講係最差服務之一既餐廳。講返食物，燒肉仔既質素真係非常一般，皮不脆肉不香，仲有小小凍凍地，數量當然小得可憐，而鋪頭最出名既豬手串亦都真係麻麻地，其他吉列豬扒同薯仔波波都唔見得有咩特別，所以總括黎講，呢間餐廳真係不值一試。