Video
Read full review
2019-03-28
1026 views
有史以來最滿足又滿意的蠔餐like爆撞啱要過官塘開會，上次開會聽個客話食蠔哩間The Fat Oyster一流。平時成日周圍試蠔，唔係貴極唔飽，有的係剩係得一二隻唔知咩蠔好平，其他出名果啲就貴到死！約定幫舊同事，諗住星期一無咩人，開完會先訂位，結果打去無位，吓！約定腳點算，訂位個女仔聽完我約曬人，佢話唔介意俾8個人位我哋，11個坐逼啲，緊係制啦。5點零上到去，出面唔係好多人，但見到佢地好鬼忙，成枱都係外買袋，佢問會唔會食熟嘢，有牛，豬，羊，雞買二個第二個半價promotion 但要先選好解凍，選咗和牛，西班牙豬，羊架各二塊，佢提我今晚比較忙熟嘢會耐啲，明白我之前個客有提過我，食好野要等嘅，哈哈。7點未到己full house, 見到真好多蠔，仲要因為weekday，好似星期一，三四🈶️比較多款做買一打送6隻優惠，當日已經有16-7款，見到幾隻我食開的蠔一打送6隻送完後平過出面一半，有我最鍾意white pearl, 水中花，majestic, pinky, 全部都係名牌蠔，真係咁平？反正11個一人一打絕對無問題，就試曬佢哋嘅promotion, 8打送4打，揞住嘴話抵。我地有位蠔痴大肚婆
撞啱要過官塘開會，上次開會聽個客話食蠔哩間The Fat Oyster一流。平時成日周圍試蠔，唔係貴極唔飽，有的係剩係得一二隻唔知咩蠔好平，其他出名果啲就貴到死！
約定幫舊同事，諗住星期一無咩人，開完會先訂位，結果打去無位，吓！約定腳點算，訂位個女仔聽完我約曬人，佢話唔介意俾8個人位我哋，11個坐逼啲，緊係制啦。
5點零上到去，出面唔係好多人，但見到佢地好鬼忙，成枱都係外買袋，佢問會唔會食熟嘢，有牛，豬，羊，雞買二個第二個半價promotion 但要先選好解凍，選咗和牛，西班牙豬，羊架各二塊，佢提我今晚比較忙熟嘢會耐啲，明白我之前個客有提過我，食好野要等嘅，哈哈。
7點未到己full house, 見到真好多蠔，仲要因為weekday，好似星期一，三四🈶️比較多款做買一打送6隻優惠，當日已經有16-7款，見到幾隻我食開的蠔一打送6隻送完後平過出面一半，有我最鍾意white pearl, 水中花，majestic, pinky, 全部都係名牌蠔，真係咁平？反正11個一人一打絕對無問題，就試曬佢哋嘅promotion, 8打送4打，揞住嘴話抵。我地有位蠔痴大肚婆問佢地有咩好嘢介紹，聽佢介紹Irish Monster，chiron巨蠔，Shigoku 同Sydney rock, 最勁係佢哋有majestic Jumbo唔係好多地方有入珍寶，一定要試！結果我哋一至都好鍾意平時好少食嘅Irish Monster, Shigoku, Chiron 好肥好甜但不夠Irish Monster夠海水味。white pearl 質素好頂級，個價真係平到你唔信。海膽一人一板個價錢係出邊一半，個質素無得頂，唔怪之得佢地要收埋啲海膽，因為熟客全部己訂好曬，好彩我來到即刻留起，活赤貝一定要叫，好新鮮，記得要問，因為佢地擺個牌係度無擺實物出來，即叫即開。tuna Ceviche（拖羅牛油果） 必試,原本唔識叫，見到隔離枱5個人訂咗二份，即係好嘢就叫二份試吓，拖羅好新鮮，個汁最最好味！
跟住試熟食，先來黑毛豬𩣑，成塊6支骨焗上碟再切開一支支，好juicy 同鬆化，有橡果香一哋都無豬騷味，好有驚喜，平時什麼慢煮都唔夠佢好食，羊7成最好食，再來澳洲M7和牛，塊和牛由佢地煎出來一啲都唔嘥，好味到想要碗白飯來撈汁，可惜試唔到傳說中佢地嘅五星級煙肉白汁意粉!
成餐飯都好滿意同滿足，第一次食咁多蠔一啲都唔肉赤，最意外收獲係平時食生蠔的地方，熟食絕不敢恭維，The Fat Oyster俾到嘅水準比好多扒房高級餐廳都高，我哋即場又約好下個月又聚啦！
Post