華嫂冰室 (杜智臺)

Open Now

Now Closed

久聞「華嫂冰室」大名，但元朗總店遠到唔知點去，雖然觀塘都有，不過又係要行一段路先到，所以一直都未食過。近日竟然係灣仔開分店（真係港九新界都有地盤），咁就二話不說係試業期間試試喇。等左15分鐘有位坐。坐低後一次過點晒所有食物，有通粉有包，最先上的竟然係雞翼豬扒番茄湯通粉（$50），一放上來已經聞到好香番茄味，香到連相都未影就飲啖先，果然好濃郁，有番茄香甜但又唔會酸，濃稠度都剛剛好，配通粉分外夾。豬扒係出乎意料咁腍，醃得都好夠味，一碗仲有3-4大塊咁多，非常有驚喜。而雞翼亦滷得好入味，不用花力咬就已骨肉分離，一樣出色。呢碗果然係最人氣的麵點（通粉）。再來就係招牌芝士鹹牛肉蛋豬仔包（$22），豬仔包輕輕烘過，面頭有少少脆，帶點甜，配裡面鹹的餡料好有化學作用。鹹牛肉、芝士、煎蛋都係普通之物，但加埋一齊就配合得好好，鹹香、蛋香共冶一爐，同樣好食。講到最signature當然唔少得招牌菠蘿包（$20），麵包面香脆微甜，夾番茄同煎蛋係幾得意，又鹹又甜又帶點清新，但未至於好出色，而因為我一次過點的關係，最後先食呢個包，塊牛油已經溶晒，所以只feel到牛油香，冇左個質感。本來好奇想試試冰花奶茶，點知賣晒