你妳 (運通洋樓) (Closed)

以前經常去路德圍食嘢，舊友相聚又去附近搵食，見台灣嘢大家都鍾意食，就唔駛周圍騰啦~店內幾骨緻，乾淨企理又光猛。台灣牛肉湯麵$68，朋友話麵質彈牙，夾埋酸菜好好食喎。燙青菜(滷肉汁) $28青菜係新鮮生菜嚟，配埋滷肉汁味道啱啱好。台南鮮蝦卷$45蝦卷即叫即炸熱辣辣，表面微脆，咬落有彈感，有蝦味，醮辣汁食更有風味。滷水三層控肉(大滷肉飯)$65加半隻溏心蛋配酸菜，酸菜好食又開胃，溏心蛋又滑又香。滷肉汁撈飯好味，肉粒拌有豆卜絲幾特別，三層肉肥瘦分明，送飯唔錯。仙草4號$46 加紅豆$6除咗仙草仲有三色芋圓、珍珠 、荔枝爆珠，最鍾意軟滑仙草加上芋圓嘅煙韌口感，仲有不同程度煙韌嘅黑白珍珠，同埋荔枝爆珠嘅爆破感覺，好正！跟餐加$10叫咗杯仙草凍奶茶，真係好鍾意仙草 ~ Yummy友人嘅炭培烏龍珍珠奶茶，佢話好飲。