光榮冰室 (兆和街)

Open Now

Now Closed

久仰光榮冰室大名，趁今日早起，可以避開人潮食個冰室早餐。一直都好鐘意食冰室一碗麵一個多士同滑蛋餐，感覺好豐富！今日就食左個蜜汁叉燒辛辣麵，有得轉辛辣麵好新奇，岩曬掛住辛辣麵既我，多士+$1可以烘底，牛乳滑蛋超級滑，仲有好多蛋汁，十分滿意！美中不足蜜汁叉燒有少少乾，食唔到蜜汁味。飲品好立克亦都滿意，好多餐廳會開得太淡，但光榮仲有好重奶味好立克味亦濃，飲品亦見誠意！聽講隔離全記點心係同一個老闆開，下次亦想一試！