鱈卵屋 (Closed)

無意中發現原來CWB有間專食我最愛既明太子餐廳，對一個咁鐘意食明太子既我黎講又點會錯過呢其實我上個月都試過冇BOOK位walk in上去食...但係上到去係已經Full哂~待應話今日係星期五會多D人，最好就BOOK位 今次我早2日就打左去book位, 終於比我食到啦。2個人叫左個烏冬同小食「鬆軟明太子上灌湯蛋卷」上台個陣仲係好熱,，蛋卷又滑又鬆軟包住滿滿既明太子，食完1件就忍唔住要食第2件啦~「炸薯條明太醬」待應送上黎既時間會同我地講鐵板好熱要小心，之後就幫我地淋D明太醬上薯條，不過我覺得醬少左D，有D薯條係會冇明太醬，不過薯條好脆加埋個醬真係好特別，香濃既明太子味。「明太香蒜辣椒醬烏冬」辣辣地既烏冬加埋明太子撈埋一齊食個味道真係好夾，但烏冬我就覺得差左少少唔彈牙，煮得淋左D。「鱈卵屋多士拼盤」多士烤得唔夠脆，上面搽左好多明太子醬食每一啖都有滿滿既明太子。