友利坊 x 友利冰室 x 勿當奴 (Closed)

食燒味同飲燉湯嘅最佳選擇，首推友利冰室 X 勿當奴。今次嚟到，感覺地方乾淨企理咗，人手充裕咗，服務好咗，值得一讚。試咗新出嘅即燒爆谷燒鵝，好好食，燒鵝啖啖肉，皮脆肉嫰夠 juicy，酸梅醬加入香氣濃郁嘅爆谷味糖漿，味道稍為偏甜，其實 gimmick 居多，都係原味酸梅醬較 match。燉湯就更加唔使講，一貫高質，我揀嘅花膠螺頭燉雞，一大盅湯入面有齊三款湯渣，份量仲唔少，絕對性價比高。請店員送來醬油，邊飲湯邊蘸湯渣食，大滿足。