美味居點心屋 (Closed)

今日去探亞媽，老公又話去，探完都四點幾，不如食個下午茶，我話去美心快餐食個三文治，佢話唔好，因為多人，見對面街有間店，門口擺滿點心籠，老公又話好。這間無乜人，有卡位坐，有兩部電視被你睇。老公揀下午茶餐，要乾炒牛河同咖啡，我叫籠點心，但唔記得叫乜乜餃，話無，問這隻好唔好？又唔記得叫乜乜餃，是是但但，見到有些綠色菜包在內，但可能擺得耐，已變微黃色，及餃皮有點硬，不太清楚入面餡料有乜，唔好食。乾炒牛河無耐就送來，熱辣辣，好夠鑊氣，炒粉麵中，老公最愛吃乾炒牛河，佢話牛肉幾腍，河粉條條分明，豉油老抽又夠味，加上幾條芽菜，洋蔥好味，食得好開心，不過怕佢油膩，幫佢食些少。咖啡，味道不錯，茶餐廳一般的味道。多謝老公陪我探亞媽。