小老板 (太安樓)

Open Now

Now Closed

平時去小老板都係一定係食生煎包，今日咁啱經過見到佢煎緊鍋貼，新鮮熱辣辣，咁就決定轉下食生煎鍋貼，好彩，都冇令我失望，一樣咁好食。生煎鍋貼 $12/3隻濺到皮夠脆，小心入邊有汁，呢個價錢食到呢個質量，性價比超高。上海雲吞擔擔麵好足料，有八隻雲吞，超級多，擔擔面濃郁嘅花生醬味，少少辣味，夠晒開胃。雖然外賣啲面浸淋佐小小，但係麵質仍然唔錯，如果有得坐低食就好啦。碗仔翅經典街頭小食，足料，粉絲、雞肉、黑木耳、竹筍….最尾加埋麻油同埋醋，完美配搭。街頭小食必食燒賣魚蛋街頭小食情意結，每次見親有呢兩樣嘢，都買嚟食。